لاعــب جديـد .. تـعالى هــنا

* ازاى تسجل فى اللعبه ؟
تدخل على موقع اللعبه
www.thecrims.com
تختار » ســجل
تفري الشروط للتسجيل و تتبع التعليمات المساعده فى التسجيل
بعد ما بتسجل بيوصلك رساله على البريد الالكترونى فيها اسم الاكونت و الباص ورد
لو استعملت بريد هوت ميل او ام اس ان ابقى بص فى الجنك
احتمال الرساله توصلك متاخر شوية

* ازاى تسجل دخول ؟
تفتح الموقع و تكتب اسم الاكونت بتاعك فى المكان المخصص
و كلمه السر تحت كده
لو دخلت كلمه الصح غلط بيطلعلك الرساله دى
الاسم او كلمة السر خطأ
في حاله ضياع كلمة السر اضغط على فقدان كلمة السر تحت صندوق تسجيل الدخول الى اليسار وسيتم اغلاق حسابك لمده ساعه في حاله ادخال كلمه السر خطاء خمس مرات متتاليه
لو كتبته صح بيفتحلك اليوزر

* ما وصلتش الرساله اللى فيها اسم اليوزر ، او نسيت اسم كلمه السر؟
بتدخل على الموقع و بتدوس على » فقــدت كلمــة الــسر
و بتكتب الايمل المستخدم فى التسجيل
بتوصلك رساله على الايمل فيها كلمه السر و اسم المستخدم

* قرفت من اللعبه و عايز امسح اليوزر ، اعمل ايه ؟
بتدخل على الموقع
بتدوس على » مسح المستخدم
بتكتب اسم الاكونت و الباص ورد والايمل
لو صح بيبعتلك رساله على الايمل فيها كود
تاخده كوبى و تحطه تحت فى المكان المحدد لـ الكود التاكيدى

* لسه عامل اليوزر جديد و اول مره افتحه و مش فاهم اى حاجة ، يعنى ايه شخصيات ، ايه الفرق بين الشخصيات؟
اول ما بتفتح بتختار الشخصيه بتاعتك
ما تسالنيش مين احسن واحد ، كل واحد بيبقى ليه مميزات فى حاجتين من الاربع مهارات
و بيبقى مكتوب ايه هى
المـــجرم
شريـــك فى الجرايـم و المميزات الطبيعيه : القـوه و الذكــاء.
بالنسبة لـ شخصيه البوب الكبير ده بيبقى المهارات متوزعه على الاربع مهارات
مش معنى كده انه ضعف باقى الشخصيات
لا ده لو مثلا انت هتاخد 10 ذكاء و 10 قوه و انت مختار المجرم
هتاخد 5 فى كل حاجة من المهارات لو انت مختار البوب الكبير

* يعنى ايه رصيد و ازاى اجيبو و بستعملو فى ايه ؟
رصيد بتبقى حاجة غير الكاشات او الفلوس بتاعتك
حاجة تعتبر مساعده فى اللعبه
تجيبو عن طريق الموبيل
بتبقى رساله بـ 4 جنيه بتديك 10 رصيد
بتستعملو فى انه تبدا بداية افضل وانت عامل يوزر جديد
تهرب بيه من السجن
تشتري بيه عنايه مركزة لما تبقى فى المستشفى عشان تخرج اسرع
تغير الشخصيه اللى بتلعب بيها
تشتري ورقه يانصيب من الكازينو
تتجسس بيه على عضو معين او على عصابه معينه
بجانب انه لو معاك رصيد مش بتشوف اى اعلانات خالص اللى بتبقى موجوده فى الموقع

* ازاى اغير كلمة السر ، ازاى اغير الايمل ، ازاى اعدل فى البروفيل ؟
بعد ما تعمل تسجيل دخول بتدوس على الافاتر "الصورة" بتاعتك
او بتدوس على كلمه ملفي الشخصي
بتلاقى فى 3 اختيارات
تغير الخصائص تغير كلمة السر تغير الأيميل
اول حاجة تغير الخصائص دى اللى بتعدل البروفيل بتاعك او الملف الشخصى بتاعك
بتقدر تحط الايملات بتاعك فى البروفيل بتاعك
تحط كلام ، تحط عفريت ازرق ، تسيبو فاضى ، براحتك
لو عايز تحط صور فى البروفيل بتدوس على حمل صورة من عندك
و بترفع الصور اللى انت عايزها
تانى حاجة تغير كلمه السر
بتدخل عليها و بتكتب كلمه السر الجديده مرتين
بيبعتلك رساله على الايمل فى لينك او رابط
مجرد ما بتدوس عليه كده كلمه السر اتغيرت
تالت حاجة تغير الايمل
بتكتب الايمل الجديد اللى عايز تحول الايمل عليه مرتين
و برضو بيبعتلك رابطين على كل ايمل
لازم تدوس على الرابطين فى الرسالتين فى كل ايمل
عشان نتاكد انه الايملين بتوعك

* يعنى ايه دوره او روند ؟
ده عباره عن المده الزمنيه اللى بتحدد اللعبه
عشان العب مش يبقى مفتوح مدى الحياه
بنحدد بـ 184 يوم
كل يوم كريمز = 6 ساعات
يعنى اليوم الحقيقي = اربع ايام كريمز

* يعنى ايه احترام ؟
الاحترام ده الحاجة اللى بتحدد المكسب فى اللعبه
فى اول الدورة كله بيبدأ من احترام 5 كله زى بعض
و فى اخر الدورة اخر يوم 183 بنشوف الاعلى احترام ده بيبقى هو اللى كسب
ازوده ازاى ، الاحترام نوعين احترام زايد نتيجة زياده الفلوس
و احترام زايد نتيجة زياده الاسكليز او الاستيتس بتاعتك او المهارات
احترام الفلوس كل 10,000 فلوس يزودك واحد احترام
و احترام المهارات كل اربع نقط فى المهارات بتاعتك تزودك واحد احترام

* ايه الطاقه دى و يعنى ايه معنوياتك ؟
الطاقه دى اللى بتستخدمها فى اى حاجة فى اللعبه
عشان تسرق بتحتاج طاقه ، عشان تعمل هجوم ، عشان تشتري مصنع ، عشان تشتري مزة ,,, اى حاجة
بتملاها ازاى انك بتشرب مخدرات من اى ديسكو او خماره
و بتزيد لوحدها كل شوية لانه طبيعى لما تبطل هد فى نفسك هاتستريح
المعنويات دى هى اللى بتتحكم فى مدي سرعه زياده الطاقه
لو معنوياتك مرتفه جدا الطاقه بتزيد بسرعه
بتزيد لما بتشرب مخدرات ، و بتقل لما ربنا بيهديك و بطل تشرب الحرام
ادي بصه على الموضوع ده

* يعنى ايه سرقه ، و يعنى ايه صعوبه ؟
بتدخل على صفحه السرقه بتلاقى عك كتير اوى
و سرقه جماعى و سرقه فردى و برضو مش فاهم
اول حاجة السرقه الفردى
بتدوس على السرقات و بتختار سرقه من السرقات
كل سرقه ليها صعوبة و بتحتاج طاقه معينه
تانى حاجة السرقه الجماعى
دى بتحتاج انك تكون فى عصابه عشان تشوفها و تقدر تعملها
بتبقى برضو بمستويات زى السرقه الفرديه
و بتختار سرقه معينه بتيبقى مكتوب قدامها بتحتاج صعوبه قد ايه
و بتحتاج افراد قد ايه
كل السرقات الجماعيه بتحتاج 30 من الطاقه بتاعتك
و لازم العدد المطلوب للسرقه يوافقو فيها عشان تتم
او ما العدد المطلوب يقبل فى السرقه
بظهر زرار مكتوب عليه هيا بنا يا رجاااااااااااااااااال
ده بتدوس عليه يعمل السرقه
الفرق بين السرقه الفردى و الجماعى انه الفردى بتديك مهارات اكتر من الجماعى
بس الجماعى بتديك فلوس اكتر من الفردى
الصعوبة
دى مدى قوتك على عمل السرقات
مهم جدا انه تعرف انه صعوبه السرقات الفرديه غير صعوبه السرقات الجماعيه
تحسبها ازاى ، فى مواقع كتير جدا لحساب الصعوبه
انا مش هاذكر حاجة منها لانه الاغلب عارفها
بس احب اعرفك انه استعمال مواقع الالات الحاسبه على مسئوليتك الكامله لانه كل دى مواقع عاملينها لاعيبه زيك
الادمنز مش بيدو المعادله الصح لحساب السرقه لاى حد

* يعنى ايه الهجوم ؟ ازاى احسبه ؟
الهجوم بمعنى اصح يعنى الضرب ، او الافتري على خلق الله
فى نوعين برضو للهجوم هجوم فردى و هجوم عصابه
فى الحالتين عشان تعمل هجوم على حد بتحتاج حاجة اسمها علاقه هاشرحها بعدين
الهجوم الفردى يعنى واحد لواحد ، الجماعى يعنى عصابتك ضد عصابه الفرد اللى بتضربو
حساب القوه بتاعت الهجوم
الهجوم فى الاول بيعتمد على 4 حاجات
القوه و التحمل و السلاح و الدرع
مالوش علاقه بصعوبة السرقه نهائى
نشرح بقى
الهجوم ليه حسبه بالظبط زى ما الصعوبة ليها حسبه
المعادله بتقول متوسط القوه و التحمل + السلاح + الدرع
برضو مش فاهم حاجة
افهمك
متوسط القوه و التحمل يعنى تجمع القوه بتاعتك على التحمل بتاعك و تقسمهم على اتنين
السلاح يعنى بتضرب قوه السلاح × دقه الاصابه و تقسم الناتج على عشره
قوه الدرع بتبقى موجوده قدام كل درع من الدروع
هاتقولى قوه السلاح و دقه الاصابه دول اجيبهم منين هاقولك فى صفحه الاسلحه
و بتروح مجمع العك على كله على بعض يبقى دى قوه الهجوم بتاعتك
نجى بقى لـ حاجة مهمه تانيه اللى هى مسالة المكسب و الخساره
انت لو قوتك 8304 انت تقدر تكسب اى حد اقل منك
و بالتالى هاتخسر من اى حد اعلى منك
مع مراعاه انه شخصيه المتوحش ليها فرصه اكبر فى الفوز لو قريبين من بعض
لو الانسان اللى بتضربه ده او العصابه دى قولتها اقل من نص قوتك
يعنى قوتها 4152 او اقل من كده
بتخسر و بتموت
و فى الحاله دى مش بتاخد قوه منهم كتير
فى حاله انه اكتر من 4152 بس برضو اقل منك
بتكسبه و تعوره بس مش بيموت
دى بتاخد منه سكليز كتير
لو بقى قوته اكتر من نص قوتك
يعنى قوته 12456 او اكتر
كده انت بتخسر و بتموت
و مابتنزلش سكليز كتير
لو بقى هو اعلى منك بس اقل من 12456 قوه
كده انت بتتظبط
و بتنزل سكليز بالعبيط
اخر حاجة عايز اقولها فى موضوع الهجوم انه هجوم العصابه اللى بيبقى داخل فيه الافراد الموافقه فى الهجوم بس
زى السرقه الجماعيه الدعوه بتتبعت لافراد العصابه انه فى هجوم ، ممكن توافق فيه و ممكن ما توافقش
اللى بيوافق بس هو اللى بياخد سكليز او مهارات لو الهجوم نجح او ينقص لو الهجوم فشل
نقطه مهمه اوى فى الهجوم انه لو اللى بتهجم عليه مش فى عصابه يبقى كلكو عليه

* صيد الجوايز ، ايه البتاع ده ؟
دى حاجة خاصه بالرصيد بمعنى انه انت قرفان من بنى ادم معين
سواء بقى فى ما بينكو خلافات ، او هو علم عليك قبل كده ، قلبك قبل كده اى حاجة :P
بتدخل على صفحه صيد الجوايز
و بتكتب اسم المستخدم بتاعه و بتكتب هتحط عليه جايزه قد ايه لـ اللى يموته
لو حد موته فى خلال عشرين يوم من ايام اللعبه بياخد الرصيد اللى محطوط عليه
ماحدش موته بيرجعلك نص الرصيد اللى انت حاطو عليه ،

* التخريب ، تخريب مين فى الجو البرد ده مش فاهم حاجة
مبدأيا التخريب بيحتاج علاقه
لو معاك علاقه على حد و عايز تعمل فيه خير تدخل على صفحه التخريب
و تروح مختار اسمه من القايمه و تختار نوع التخريب
فى 3 انواع ، حرق مصانع ، حرق مزز ، حرق مشروع
كل حاجة باينه من اسمها بتخرب ايه بالظبط
نجي لاهم نقطه فى التخريب و هى التخريب بيفشل ليه
التخريب بيتعمل على مرحلتين زى سرقه العصابه و هجوم العصابه
اول مرحله انه انت بتعمل تخطيط للتخريب
و بتنسااااااه بقى فتره
و تيجى بعد فتره تنفذ التخريب ده
اللى هو بيقولك عليه "مهم : كــل ما تمخمخ اكتر وتظـبط الخطه أكــتر كل ما بتزيــد فـرص نجاح العمليـه "
حاجة زى كده :P


* المزز ، بنات الليل عشان المزز ما تزعلش
دى حاجة من اهم الحاجات فى اللعبه لانها مكسب من الهواء
كل اللى بتعمله انه بتشتري مزه معينه
و هى بتفضل شغاله مع نفسها تجيب فى فلوس
نضرب مثال عشان الناس تفهم
Miss Blonde $72000 $1200000
ميس بلوند بتشتريها بسعر مليون و متين ملطوش
بتجيبلك كل يوم من ايام اللعبه 72 الف ملطوش
و الفلوس اللى بيجيبوها بتبقى مكتوبه تحت فى صفحه المزز
و بيبقى في جنبها زرار مكتوب عليه تجميع المال
زى كده

ممكن و انت بتجمع الفلوس فى مزز تهرب منك
و ممكن فى مزز انت بتموتها
و ساعات لما بتدخل خمارات لو ديسكوهات بتاخد مزز اضافيه من اللعبه غير اللى بتشتريهم
ممكن طبعا يبقى عندك اكتر من مزه
بس ده بيحتاج حاجة اسمها بيت دعاره ، اول بيت حريم
و ممكن تكرر نفس المزة عندك مرتين بس كل ما بتشتريها سعرها بيغلى عن الثمن اللى اشتريتها بيه اول مره
ملحوظة مهمه : كل ما تعلى الجاذبيه بتاعتك كل ما الملاطيش اللى بتجيبهالك المزة تزيد

* الاسلحه و الدروع لازمتهم ايه ؟
الاسلحه دى بتعلى قوتك شوية
بتقدر تشتريها من عند تاجر السلاح و بعد كده تدخل على صفحه الاسلحه
كل سلاح على حسب سعره ليه قوه و دقه اصابة
وكل حاجة مكتوبه فى صفحه الاسلحه وانت على قد لحافك اشتري سلاحك
قصدى على قد كاشاتك اشتري سلاحك
ملحوظة: ممكن تشتري اكتر من سلاح بس بتفعل سلاح واحد بس
يعنى بتبقى ماسك فى ايدك سلاح واحد بس
الدروع نفس الاسلحه بالظبط فى كل حاجة
بس الفرق انه هى بتزود التحمل بتاعك و انها مالهاش لا قوه ولا دقه اصابه
هى بيبقى التحمل بتاعها مكتوب على طول
قوه السلاح بتتحسب بحسبه معينه : بتضرب قوه السلاح × دقه الاصابه و تقسم الناتج على عشره
عموما انا حسبتلكو كل الاسلحه و دى القوه النهائيه بتاعتها


* الحراس ، لازمتهم ايه ؟
الحراس دول بتقدر تجيبهم من عند تاجر السلاح
ويظفتهم الحمايه ، مش حمايتك انت لا حمايه الحاجة بتاعتك
سؤاء المزز او المصانع او المشاريع من التخريب
او بمعنى اصح الحراس بتقلل فرصه نجاح اى تخريب متخطط عليك

* تاجر المخدرات ، ليه مش باخد الفلوس كامله لما ببيع المخدرات ؟
تاجر المخدرات ده بتقدر عنده تبيع او تشتري مخدرات
لما تيجى تبيع المخدرات اللى عندك ليه بتخسر نسبه 5 فى الميه
هاتقولى ليه هاقولك اتاوه ، هى مش اتاوه بس زى ما تقول كده ضريبه

* المصانع ، ليه مش بتزودنى احترام ، لازمتها ايه ، فين الانتاج بتاعها ؟
المصانع عباره عن مبانى بتشتريها عشان تديك انتاج بعد كده
نفس فرصه المزز
تطلعلك انتاج وانت تتصرف فيه
بيبقى فى قدامك كذا حل ، اول حاجة انك تبيع المخدرات للى بتدهالك
او انك تحطها فى خماره او ديسكو
طيب الدنيا ماشيه ازاى فى حوار المصانع ؟ ندى مثال

اول حاجة 60 ده الانتاج االلى بيطلعو مصنع الهروين فى اليوم
يوم كريمز مش يوم حقيقي
الانتاج ده بيزيد زياده نسبيه على حسب ذكائك
كل ما يزيد تاخد انتاج اكتر
تانى حاجة الـ 500000 دول تمن المصنع
بيتخصمو منك و انت بتشتريه
و بتقل 50 احترام عشان فلوسك قلت
و لما تيجى تبيع اى مصنع بتبيعه بنص الثمن
يعنى مصنع الهروين تشتريه بـ نص مليون و تبيعه بـ ربع مليون
الـ 5000 دى لازم تبقى معاك على لاقل لكل مصنع عشان يطلع انتاج
لانه لو مش معاك فلوس مش هايطلع انتاج

* المشاريع ، ايه دى ؟
المشاريع باختصار هو انه بتحط المخدرات فى خماره او ديسكو
ليه ؟ عشان الناس تشرب منها مخدرات عشان تملى الطاقه
طيب احط المخدرات دى ازاى ؟
اول حاجة لازم تشتري خماره او ديسكو
اشتريته خلاص ؟ بيبقى باسمك سواء خماره او ديسكو
H70 Nightclub, H70 Raveparty
و انت تقدر تغيره بعدين
المهم نكمل بتلاقيه ظهر عندك تحت فى لسته المشاريع
تروح دايس عليه
بيفتحلك صفحه فيها حاجتين ، الشغل و الزوار
الشغل ده اللى بتحدد منه اسم الخماره او الديسكو ، بتحدد وصفه تقدر تكتب اى حاجة او تسيبه فاضى
ثمن الدخول ده التذكره اللى لازم اى حد يدفعها عشان يدخل الخماره بتاعتك
ممكن تسيبه فاضى يبقى ثمن الدخول صفر ، اعلى ثمن دخول 200 مفيش اعلى من كده
اعلى احترام ده رقم سياتك بتحطه يحدد الناس اللى بتدخل عندك
ممكن تخليه على قدك بالظبط عشان ماحدش يدخل اعلى منك
ده مفتوح ممكن تحطه اى رقم
تانى حاجة ازاى تحط المخدرات
ناخد مثال

بتختار اسم المخدر و بتكتب السعراللى عايز تحطه بيه و بتدوس موافق
و بتعمل كده لـ باقى المخدرات او المخدرات اللى انت عايزها بس
مع مراعاه انه الخماره ماينفعش تحط فيها اكتر من 3 مخدرات
طيب نقطه ثمن المخدر دى بتعتمد على ثمن المخدر فى السوق يعنى عند تاجر المخدرات
انت تقدر تحط المخدر بـ اكتر او اقل من نص ثمنه
يعنى الافيون دلوقتى عند التاجر بـ 40$ الحته
انت تقدر تحطه فى الخماره بـ 20$ او بـ 60$ لا اكتر ولا اقل من كده رقم ما بينهم
و بتلاقى تحت كده اللى بعته فى المخدرات
الفلوس بقى بتجيلك من المخدرات او المشاريع يا اما ثمن المخدرات يا اما ثمن تذاكر الدخول
تمن المخدرات بيتضاف مباشره على كاشاتك
تمن تذاكر الدخول لازم انت اللى تجمعه زى ما فى البرنت كده
تانى حاجة بقى اللى هى الزوار دى واضحه من اسمها
دى لما بتدوس عليها بيجيبلك الناس اللى فى الخماره او الديسكو بتاعك لو فى حد فيها فى الوقت ده
مافيش حد بيجيبهالك فاضيه و ساعات بيجيبلك اسم اليوزر بتاعك اللى انت فاتحه

* العــلاقــات * أصــدقــاء الســوء
نوعين علاقة صفرة و علاقه حمرة
الصفره دى يعنى علاقه حميمة
بتعملها ازاى انه بتدخل على صفحه العلاقات
و بتكتب اسمه المستخدم اللى عايز تعمل معاه علاقه
و هو ممكن يوافق العلاقه دى او يرفضها
يعنى انا لو عملت علاقه مع اى هاتيجلو الرساله كده
H70- افبل - رفض
مــتوحــش
الأحترام: 100
و هو يقبل او يرفض
العلاقه الحمرة بقى دى اللى بتحصل لما بتقابل واحد فى ديسكو او خماره
و بتبقى عندك و عند اللى انت قابلته فى نفس الوقت
و مش بيسالو على انه يقبلها ولا لا دى بتبقى موجوده غصب عنك و عنه
طيب ايه فايده العلاقات ؟
العلاقات دى بتحتاجها عشان تقدر تكلم حد على الرسائل الخاصه
عشان تقدر تهجم علي حد سواء هجوم فردى او عصابه
عشان تقدر تخطط تخريب على حد لازم علاقه
عشان تقدر تعزم حد فى العصابه لازم علاقه او عشان تدخل انت لازم تبعت علاقه للزعيم
لو عايز تسمح العلاقه بيبقى فى علامه اكس صغيره كده جنب اسم اللى عامل معاه علاقه
بتدوس عليها بيقولك اخر كلام ، تقوله اه كده العلاقه طارت
لو علاقه حمره و عايز تشيلها بتعمل عمليه تجميل من المستشفى

* العـــصـــابــة
فيها كذا نقطة هاقول كل حاجة لوحدها
ازاى اروح العصابه اول :بتروح على صفحه العصابه < جنب اصدقاء السوء
عايز اعمل عصابة : بتقولو أعمل عصابة جديدة
و تكتب اسم العصابة
طيب عايز اعمل اعزم واحد

و اللى بتعزمه تجيله العزومه شكلها كده

لو وافق بيدخل يلاقى مركز العصابه فى وشه

و دى صفحه الاخبار اللى بتقدر تحط منها الاعلانات

و دى لوحه التحكم بتاعت الزعيم

اول حاجة اسم العصابه لو عايز تغيره
بعد كده الزعيم لو عايز تدى الزعامه لحد
تالت حاجة علم العصابه
المقدمه بتكتب اى حاجة خاصه بالعصابه ، او لو عايز تقولهم حاجة معينه كده يعنى
تحت خالص هاتلاقى حمل صورة للوجه من عندك ، ده اللى بترفع بيه افاتر للعصابه
و اخيرا فض العصابه ده اللى هو كل واحد يروح على بيته

* يعنى ايه هرمونات ؟
دى سياتك بتشتريها عشان تعلى مهاراتك
و بتتوقف على مدى المهارات اللى عندك دلوقتى
يعنى لما بتبقى مهاراتك قليله بتلاقيها رخيصه
بعكس انه لما بتبقى مهاراتك كتيره بتبقى غاليه جدا
فى نقطه مهمه فى المهارات ، انه كل ما تشتري 2 هرمون قوه بتقل 1 ذكاء
ماهو مش هاينفع تبقى قوى و ذكى فى نفس الوقت ، الغباء مطلوب برضو

* عمليه التجميل لازمتها ايه ؟
عمليه التجميل دى ليها 3 وظائف
تطير العلاقات الحمره ، تغير اسمك ، تغير الصورة او الافاتر بتاعك
طيب تعملها ازاى ، تروح على المستشفى ، تدوس على عمليه تجميل
و تشوف لو عايز تغير اليوزر نيم او عايز تغير الافاتر و تدوس قم بتغيير شكلى
لو نجحت هايقولك تمت بنجاح و كل العلاقات الحمره هاتطير لو عندك علاقات حمره

* ايه لازمه حقنه المورفين ؟
دى يا سيدى بتاخدها لما تبقى بتشرب مخدرات
و تبص تلاقيها مش بتزود الطاقه بتاعتك
او بمعنى اصح بقيت مدمن
بتاخدها بتنضفلك جسمك من العك اللى شربته
بتلاقيها فى المستشفى
ثمنها بيتحدد على حسب الاحترام بتاعك كل ما يعلى كل ما تغلى

* الميناء ، المركب هاتيجى امتى و هتاخد ايه ؟
الميناء دى بتعتمد على الرصيد
بتروح للميناء بتلاقى كلمه تحت كده اسمها اخبرى
دى بيقولك السفينه هاتيجى امتى و هتاخد ايه
لو مش معاك رصيد بقى ده بتبقى ماشى بالتوقع
يعنى بتخمن المركب اللى جاى هاتشتري ايه
و بالتانى بتفضل تشتري المخدر اللى المركب هتاخده
عشان المركب لما تيجى تاخد مخدر سعرو بيعلى
فا انت بتشتري من قبل ما المركب ما تيجى مش ساعه ما تكون موجوده

* البلاك جاك
دى عباره عن لعبه 31 اللى كلنا بنلعبها بالكوتشنه
بس دى من 21 بس مش من 31 زى ما بنلعبها
اظن انه الكل عارفها بس انا هاقول شرح مبسط كده
بتحاول تجيب اعلى رقم لحد 21 ، ، رقم 22 يبقى انت خسرت

بتبدئ انه سياتك معاك كرتين و بيبقى فى 3 اختيارات
هانشرح اتنين و هانخلى الدبل دون فى الاخر
الهيت يعنى هات كارت تانى على اللى معايا
الاستاند يعنى خلاص انا هاقف على كده و اشوف اللى بيلاعبنى هايجيب كام
لو انا جبت اعلى من 21 يبقى خسرت
جبت اقل منو ابقى خسرت
مساوى ليه باخد فلوسى زى ما هى
نيجى بقى لنقطه الدبل دون ، دى بتبقى فى الاول بس يعنى اول ما بشوف او كارتين بس
لو دوست دبل دون يعنى انا هاعمل هيت مره واحده و بعد كده ستاند و لوكسبت اكسب ضعف الرهان ولو خسرت اخسر ضعف
يعنى لو انا فى الرهان ده عملت دبل دون و كسبت هاخد 2$ و لو خسرت هاخسر اتنين برضو
فى حاجة بقى اسمها بلاك جاك ، اللى هى لو اول كارتين جولك كانو = 21 بالظبط
كده بتاخد فلوسك و عليهم نصهم كمان
لو متراهن بـ 100$ بتكسب 150$ على طول من غير ولا هيت ولا ستاند
ناقص انه اقولك انه اعلى رهان ممكن تتراهن بيه هو مليون كاشات
و اللعبه دى زى ما ممكن تكسب ملايين ممكن تخسر بلاوى

* البنـــــــــــكـ
ده بتحط فيه فلوس سياتك و فى نفس الوقت بتاخد عليه نسبه
يعنى فلوسك بتزيد بنسبه 2% من المبلغ كله بينضافو فى اول كل يوم كريمز
بس فى نقطه مهمه احب اقولها انه اعلى مبلغ ممكن تاخده من البنك كـ فايده هو 100,000 بس
عشان ما يقوليش انا حاطط 90 مليون و مش باخد فوايد ، هو 100 الف بس

* امتى بتسجن ؟
بتدخل السجن فى حاله لما بتقتل واحد
او عملت سرقه اكبر من صعوبتك
فى حاله السرقه اللى اصعب منك بتنقص كمان من فلوسك و بتنقص من مهاراتك

* بدخل المستشفى امتى ؟
بتدخلها و انت ميت ده اكيد يعنى
بس ممكن تبقى ميت حد قاتلك ده بتخلل فى المشتفى
او بتدخلها جرعه زياده وانت بتشرب مخدرات
او ممكن تدخلها لما تزور بنت عندها امراض

* يعنى ايه جرعه زياده ، اوفر دوس ؟
يعنى تبقى الطاقه بتاعتك 100 و تروح تشرب مخدرات
بتموت و تدخل تقعد ساعتين كريمز يعنى نص ساعه حقيقيه

* فى برامج للعبه ؟
يا جماعة اللعبه بتتلعب على النت
لا فى برامج
ولا كلينت
ولا باتشات
ولا اى حاجة من العك ده كله
دى برامج عامه
ليها خاصيه انها بتسجل حركات الماوس و الكى بورد و تفضل تكررها
الناس استغلتها استغلال سئ فى اللعبة

* ايه وظيفه الكود التاكيدى ده رخم اوى ؟
الكود التاكيدى عشان نوقف البوت و اى برامج بتساعد فى اللعب

* يعنى ايه رابتس ؟
يعنى يوزرات بتعملها عشان تكبرها
و بعد كده تعلى بيها نفسك

* هل مسموح اللعب بالرابتس
الرابتس على حسب كل روند ليه ظروفه ، فى دورات مسموح اللعب بيها و دورات ممنوعه

* ينفع ارشى البوليس لما ادخل السجن ؟
فى طريقتين ، عن طريق الرصيد و عن طريق الكاشات
الرصيد بياخد منك عشره كريديت وتهرب
لو بالفلوس بتضرب الاحترام بتاعك فى اى رقم من 500 ّ لحد 550 و انت و حظك
الناس دايما بتضرب فى 550 عشان تضمن انه الهروب ينجح
عشان لو دفعت رشوه اقل من المطلوبة هاتخسر الكاشات و برضو هاتفضل فى السجن

* الرصيد بيعمل ايه اول اللعبه ، و هل ممكن انه اشتري برصيد اكتر من كده ؟
دى زى ما بيقولك فى اللعبه ، بمعنى انه الحزمة اللى بـ 10 رصيد دى بتديك 12 فى كل المهارات و 18 فى المهارات اللى انت مختار الشخصيه على اساسها
يعنى لو انت مختار المجرم هتلاقى الـ 18 فى الذكاء و القوه و الباقى 12 اللى هو الجاذبيه و التحمل و هكذا
و بيبقى معاك 450 كاشات و مفيش لا سلاح ولا درع
نفس الموضوع فى حزمه مجرم المافيا بس الحاجات اكتر شوية و بيبقى معاك سلاح
موضوع تبتدى باكتر من كده ده مفيش و الله هو يا اما الحزمه ام 10 يا الحزمه ام 20 بس كده

* ازاى تخطط تخريب و ازاى اخليه ينجح ؟
التخريب مبديأ يا جماعه مافيش من وراه اى مصلحه
يعنى انت لما بتخرب لحد حاجة مابتاخدش ولا سكليز ولا فلوس
انت بس بتكسب انه المنافس بتاعك خسر حاجات
لو كان لتخريب مصانع يبقى خسر المصنع او اى انتاج مش ملوم من المصنع ده
لو التخريب كان مشروع يبقى بيخسر المشروع و كل فلوس التذاكر اللى بتبقى فى الديسكو و مش لاممها
لو التخريب مزز يبقى هو بيخسر المزز اللى انت مموتها و كمان الفلوس اللى عملتها لو هو مش لامم الانتاج بتاعها
نبدا نشرح بقى (:
بص عشان تعمل تخريب محتاج علاقه بس مش معنى كده انه العلاقه لازم تبقى معاك على طول
لا انت محتاج العلاقه عشان تخطط التخريب بس
لانه التخريب ليه 3 مراحل
اول حاجة بتخطط و بتحتاج علاقه للموضوع ده

تانى مرحله انك بتسب التخطيط مده عشان ينجح
او بمعنى تانى عشان يعمل بلاوى كتير
كل ما بتسيب التخطيط معناه انه فرصه نجاحه بتزيد و فى نفس الوقت هاتخرب حاجات كتير
ممكن لو تخطيط مصانع تحرق كذا مصنع لو مزز يبقى اكتر من بنت لو مشاريع يبقى اكتر من مشروع

و زى ما هو فى الصورة بيبقى كاتبلك انت بدأت تخطيط امتى و بناء عليه عشان بيسحب منك فلوس على كل يوم زياده
التخطيط بيحتاج فلوس برضو
تالت مرحله اللى هى التنفيذ و دى بعد ما بتكون مخطط بمده عشان تبقى ضامن النجاح

طبعا التخريب ده فشل عشان انا خططتو و نفذتو على طول مااستنتش
و اللى بتخطط عليه مش بيحس باى حاجة خالص هو بس بيتبعتله رساله لما تنفذ التخطيط
سواء نجح او فشل بيتبعتله رساله ليه فى فلان حاول يخرب

طيب ايه الحاجات اللى ممكن تخلى التخريب يفشل : هما اتنين اما انك ما تخططش مده طويله ، او انه الضحيه يكون شاري الحراس

* ازاى اعمل بيت حريم او قصر حريم املى منه الطاقه ؟
اول حاجة بتروح على صفحه المصانع


و بتشتري بيت حريم بيت حريم او قصر حريم

بيت الحريم بـ 40 الف و بيشيل 5 بنات


قصر الحريم بـ 110 الف و بيشيل 15 بنت

بعد ما بتشتري بيت او قصر بينضاف فى قايمه المصانع عندك تحت


بعد كده بتروح على صفحه المزز


بتشتري اى مزه و لو نفرض انها بيرال


بعد كده بترجع تانى لصفحه المصانع


بتدخل على المشروع بتاعك


هتلاقى الانسه بيرال قاعده من غير شغل ولا مشغله
تدوس على علامه الزائد دى عشان تحطها فى البيت ده


كده خلاص انضافت فى البيت ده
و العلامه الاكس الحمره دى تشيلها من البيت ده لو عايز تحطها فى بيت تانى


بعد كده تروح صفحه الحياه الليليه


تدوس على تاب بيت حريم من فوق


تدور على اسم البيت بتاعك


تروح داخله بعد كده او لو عايز تضيفه فى المفضله زى ما تحب زى الخمارات بالظبط


هتلاقى البنات قاعدين تروح زاير الحجه او اى انسه زى ما تحب


و بكده تكون مليت الطاقه بتاعتك
الفلوس بتاعته المزز بتاعت الزيارات بتنضاف على الفلوس للى بتجيبها كل يوم
و مفيش تذكره دخول لبيوت الدعاره مش معنى كده انه مش بياخد تذكره
لا انا قصدى انه مفيش سعر تحطه لتذكره الدخول كله من غير فلوس

* ازاى بعد ما افضل اسرق السرقه كتير اتسجن ، يعنى ايه رندوم بارت ؟
الصعوبة بتاعته السرقة اصلا بتتحسب اعتمادا على الاسكيلز بتاعتك
يعنى القوه و التحمل و الذكاء
و الدرع و السلاح
بيبقى في حاجة اسمها فورمولا او المعادله او الحسبه
او اى حاجة زى ما تسميها
المهم الحسبه دى بتبقى فيها رقم عشوائى
يعنى مثلا ممكن نقول انه المعادله اجمع كل حاجة على بعض و اقسم الناتج على 3
الرقم العشوائى ده بيغير لوحده
مره بقى يخلى السرقه 3.1 و مره مثلا 2.9 يعنى مره اصعب و مره اسهل
هو طبعا ده اللى بيحصل مع اختلاف الارقام
الموضوع ده فى السرقه الفردى و الجماعى
بس فى الجماعى الرقم العشوائى كبير عشان يخلوها اصعب شوية

* انا لما بدخل ديسكو سعات بلاقي زباين ولسه حضربهم بطلع ملاقيش حد ليه
بيكونو عملو عمليه تجميل ، او انه فى حد سبقك و موته

* هجمت على واحد اقل منى بس هو اللى كسب ، ازاى ؟
موضوع المتوحش ده نتيجة انه لو انت بتلعب اللعبه بالانجليزى هتلاقى انه المتوحش اللى هو الهيت مان
هيت مان يعنى قاتل مأجور ، لازم يكون احسن واحد بيعرف يقتل و يكسب فى الخناقات
بالتالى ليه فرصه انه يقدر يكسب حد اقوى منه بس بحاجات بسيطه مش فرق كبير

* كل ما ادخل عند بنت عشان املى الطاقه يجيلى امراض
دى بتبقى حاجة عشوائية كده على حسب درجة الادمان بتاعتك ممكن يجيلك امراض و ممكن لا
عموما هو اكيد مش عشوائيه بس احنا لسه ماعرفناش ماشيه ازاى عشان دى خاصيه لسه جديده
فى الغالب انه كله مقضيها مخدارات و ديسكوهات زى ما متعودين
بص انا هاقولك حاجة تقلل المرض مجرد تقلل المرض مش تخليك سليم
انت ما تدخلش عند نفس البنت اكتر من مرتين
و ماتدخلش خالص فى البيوت اللى بتبقى موجوده فى صفحه البيوت
عشان ده اكيد بيكون فى ناس كتير زاروها
و سيبك بقى من اللى يقولك عدد زيارات و مخدرات
و انا عن نفسى و الله بستعمل المخدرات لحد دلوقتى مش طالبه ايدز يا عم
يعنى اعملك مثلا 3 قصور و حاجة و حط فى كل قصر 15 بنت
و ادخل فى كل مره قصر و البنت اللى تدخلها ما تدخلهاش تانى

* ازاى اجمع انتاج المصانع ؟ و الانتاج اعمل بيه ايه ؟

بتختار نوع المصانع اللى عايز تجمع الانتاج بتاعها من الليسته
بعد كده بتختار عايز تجمع كام وحده
عشان ممكن تاخد عدد معين بس و لنفرض انه 5000 ، ممكن تاخد العدد ده بس و تسيب الباقى فى المصنع
لو كتبت صفر او سبتها فاضيه ده معناها انه هايجمع الانتاج اللى مطلعه المصانع كلها
تجميع المصانع بيحتاج 10 طاقه ، مش 10 لكل مصنع ،لا 10 طاقه لكل نوع مصانع
عشان تجمع مصانع الهروين بتحتاج 10 طاقه ، مصانع الافيون 10 طاقه و هكذا
و الانتاج بقى تقدر تبيعه عند تاجر المخدرات او تعمل مشروع ديسكو او خماره و تحطه فيه او تبيعه للمركب فى الميناء

* ايه الميتادون ده ؟
الميتادون زيه زي المورفين بس بتاخده بالواحده مش زى المورفين دفعه واحده
كل واحده ميتادون بتقللك الادمان بنسبه معينه على حسبه درجة الادمان بتاعتك



مواضيع مهمه ياريت تبص عليها
دروس للمــبتدئيــن [KiV-GeNeRoZo]
ازاي تبقى محترف؟ [KiV-GeNeRoZo]
يعنى ايه رصيد و ازاى تجيبو [Alaizo0]
كيفية استخدام المخدر وكيفية زياد [PDA2K]
لو عايز تبقي محترف [TrEmEnDoUs]

اخيرا ، اكيد طبعا لسه فى اسئله تانى
اى حد عندو اى سؤال يسأل و انا هارد عليه
بعد ما هارد هاخد السؤال و الاجابة و احطهم فى الموضوع عشان اسهل على اللى بيدور على حاجة

BY H70

كيف يمكنني مهاجمة شخص ما؟ ؟
.اولا يجب على اي علاقة مع اي شخص.

ثم تذهب لصفحة الهجوم

اختار الضحية المراد الهجوم عليها


ثم قم بالضغط على هذا الزر اللي هو بالعربي اضرب الضحية


بعد كده تظهر رسالة تخبرك لو نجحت او فشلت وفي الاتنين هتقولك كام زيدت او نقصت من الامكانيات


أو




تكسب الضحية لو مجموه التحمل والقوة لديك اكبر من مجموع التحمل والقوة لدي الضحية
تقتل الضحية لو مجوع التحمل والقوة لديك اكبر من ضعف مجموع التحمل والقوة لدي الضحية
لازم الضحية تكون احترام اكبر من 100 حتي لو كانت امكانياتها اقل من 100

السلاح والدرع ليهم عامل مهم اوي في الموضوع ده
الشخصية برضو عليها عامل يعني مثلا المتوحش هو بتاع الهجومات

متقدرش تهاجم واحد في السجن او المستشفي يعني يكون ميت اصلا

في النهاية يجب عليك انك تعرف ان انت ممكن تقابل ناس كتيره في البارات وهتبقي علاقتهم حمرا

هتضيع بعد شوية لكن لو في واحد اكبر منك وممكن يضرب اجري عالمستشفي غير في وشك

عشان كل العلاقات الحمرا تتمسح

نصيحة 1: هاجم بس اللي احترامه اقل منك بكتييير

نصيحة 2: تجنب الهجوم في الايام اللي بيبقا فيها كبسة بوليس عشان ممكن تتسجن كتيير

[Generozo]

المـوضوع إتعمــل عن طريــق الاعب
PDA2K

الموضوع ده عبارة عن شرح عن كيفية استخدام المخدر في اللعبة وكيفية زيادة طاقتك بشكل سليم.

يا الله نبدأ الشرح ..

أولا:
قم بعدة عمليات اجرامية لحد ما توصل طاقتك الى صفر بالمئه
0%

ثانيا:
ادخل على قسم الحياة الليلية الموجودة على يسار الصفحة.

ثالثا:
راح تشوف أكثر من خمارة في قسم الخمارات ، وراح تشوف أكثر من يبت مزز اذا رحت في قسم بيت الحريم ، الأهم من ده كله ان لكل خمارة او حفله رسم للدخول ، وبعضها مجاني بدون رسوم للدخول.
اما بيت الحريم بيبقي ببلاش بس
يكون في علمك ان كل خمارة بتشيل 3 أنواع من المخدرات وكل حفله بتشيل 10 انواع من المخدرات. وكل مرة تدخل أي حفله او خمارة اكيد يا باشا راح تخسر تذكرة واحدة من تذاكرك ، ولكن ما تزعلش .. فنظام تذاكر دخول الخمارات والحفلات اوتوماتيكي ، يعني كل يوم كرايمز اللعبة بتديك 8 تذاكر ( وانت عارف ان كل يوم كرايمز يعني 6 ساعات حقيقية ) واذا ما استخدمش التذاكر اللي فاتت راح تبقى ليك وتتجمع يعني ما راحش تخسر التذاكر ابدا طوال دورة اللعبة .
واذا كان عندك اسم معين لخمارة او حفله مفضله عندك فأكتبها في خانة البحث في قسم الخمارات أو قسم بيوت الحريم.

رابعا:
اذا دخلت الحفلة او الخمارة راح تشوف انواع معينة من المخدرات ، واسعارها راح تختلف كمان ما بين بعضها ، يعني اسعار المخدرات في حفله معينة اكيد راح تختلف عن الحفله التانيه بالقليل او بالكثير او يمكن تتشابه ، لكن عمر المخدرات ما زادتش أو نقصت بأقل عن 50% أو أكثر من 50% ( لأنه دي قانون اللعبة ) من سعر المخدرات الأصلي اللي ببيعوه تاجر المخدرات ، يعني باختصار انت شووف اي خمارة ارخص وروح عليها طواااااال!! بس اهم حاجه انها تكون خمارة امان وما تتضربش فيها يا باشا!

خامسا:
كل مخدر في الخمارة او الحفلة انته بتاخذه راح يزيد بنسبة معينة من طاقتك ، يعني بالعربي في مخدرات بتعلي طاقتك بشكل اسرع وفي مخدرات بتعلي طاقتك ولكن بشكل بطئ ، وانا عملت قائمة بأسم كل مخدر ونسبة زيادة الطاقة اللي يقدر يعملها:
البرشام Painkillers = 1%
البانجو Weed=1%
الخمره Booze= 2%
عش الغراب Magic mushrooms= 2%
استيكر يدمغ LSD= 3%
أبــر الماكس Ecstacy= 4%
الماريجوانا Amphetamine= 5%
الأفيون Opium= 6%
الكوكاين Cocaine= 7%
الهيرورين Heroin= 8%

-ملاحظة :
في بعض الأحيان لما تاخذ مخدر ، يمكن تكون نوعية المخدر ( فشنك ) يعني مضروب ، وعلشان كده يمكن تلاحظ انو الطاقة نزلت جااامد اوي ، وكمان معنوياتك ، علشان كده ضروري تاخذ مخدر تاني حتى ولو كان نفس النوع اللي اخذته قبل كده ( المضروب ) علشان ترفع معنوياتك اللي نزلت وكمان علشان تزيد من طاقتك اللي خسرتها من المخدر ( المضروب ).

سادسا:
اذا اخذت جرعة مخدرات زيادة عن اللزوم يا باشا راح تروح الطوارئ ( المستشفى ) ، يعني اوعه تاخذ اكثر من الكمية اللي انت بتحتاجها لزيادة طاقتك ( مدة البقاء في الطواري نتيجة الجرعة الزايده ساعتين كرايمز اي نصف ساعة حقيقية )

سابعا:
راح تشوف بنفسك ان كل مرة بتاخذ مخدرات راح تزيد طاقتك بنسب أقل ، يعني مش زي الأول ، وكل مرة بتقل النسبة ، يعني احنا قلنا الهيرورين بيزيد الطاقة بنسبة 8% صح؟ بس لما تاخذ هيرورين مرة تانيه راح تلاقي ان نسبة زيادة الطاقة للهيروين قلت وبقت 7% مثلا وبعدين 6% وهكذا ....... طب الحل ايه؟

الحل انك تروح قسم المستشفى وتاخذ حقنة مورفين
Detox ودى بتشيل الادمان خالص بنسبة 100 فى المية
او ممكن تاخدلك كام وحدة ميثادون تظبط بيهم نفسك على حسب درجة ادمانك للمخدرات

وبعدين راح ترجع نسبة المخدر من جديد زي الأول ( شوف قائمة نسب المخدرات اللي فوق ) ويبقى خلاص يا باشا!!

ثامناً:
انت تخش على بيوت الحريم وتختار اي بيت يعجبك وتدخله هتلاقي في نوعين من البيوت يا اما يبقي بيت حريم عادي وده لما تخشه مش هتلاقي فيه اكتر من 5 حريم وفي قصر الحريم وده هتلاقي فيه مش اكتر من 15 مزة
انت بس بتخش البيت او القصر اللي انت عايزو زيو زي الحفلات و الخمارات
بتلاقي المزز كتيرة وتزورها من الزرار زور
على فكرة ممكن تبقي مزة وحشة وتضيعلك طاقتك و ده حلو انك تحاول تعلي طاقتك تاني يا اما بمزة تاني او بالمخدرات زي الطريق المذكورة سابقاً للمخدرات المضروبة
ساعات المزة ممكن يبقي عندها مرض وتدخلك المستشفي
وعشان كده ناس كتير بتفضل المخدرات عن المزز
ملحوطة : المزز مفيهاش ادمان يعني لو ربنا سترها معاك ودخلت على
اكتر من 100 مزة مش هتدمن ولاحاجة زي المخدرات
برضو ممكن تلاحظ ان في مزز بتزودك الـ100% طاقة كلها و مزز تانية بتزود اقل

القاعدة الذهبية انت عرفتها خلاص وهي :كل مرة تقوم بعملية اجرامية وتنزل طاقتك ، تاخذ مخدر من أي حفلة أو خمارة وترفع طاقتك من تاني ، الطاقة بتقل خذ مخدرات تاني ، نسبة زيادة المخدر قلت ، تاخذ حقنة مورفين

هذا كل شئ ، واتمنى انكم استمتعوا وفهمتوا الشرح كويس ، ولأي سؤال في الموضوع انا حاضر ان شاء الله

اخوكم /
PDA2K

Edited by AFUNA , 7alala