Follow Us On Follow us on Facebook Follow us on Twitter Watch us on YouTube
Results 1 to 1 of 1
  1. #1
    Join Date
    Feb 2006
    Location
    Saudi Arabia
    Posts
    1,956

    Default التقاريــر

    السلام على جميع المجرمين و المجرمات .

    موضوع التقارير بينقسم ل 4 أقسام :-
    ===============

    1- تقرير خاص بحالات السب والشتائم .. في ميدان الدردشة , السجن , الطواريء , كتاب الزوار


    يعنى لو أى شخص سبلك بالدين .. أو شتم نوعيه معينه من البشر .. زى العرب , الذنوج .. أو بيسب لنوعينه معينه من الديانات .

    المقصود من دا .. يا جماعه الشتايم العاديه .. زى ( خول - عرص - متناك ) الكلام دا مسموح بيه .. لاننا فى عالم الجريمه يعنى بتتعامل مع مجرمين و مجرمات .. بالتالى الشتايم اللى من النوع دى مسموح بيها .. و مش حيتخذ أى إجراء ضد صاحبها .
    بالبلدى كدا على رأى اللمبى .. واحد مصاحب على بوكا و أشرف كوخا حيطلع إيه .. طيار !!

    *** الشتايم مسموح بيها فى اللعبه عادى .. لكن اللى إتقال فوق دا هو اللى مش مسموح بيه . ***

    المطلوب علشان تجيب حقك .. إنك تجيبلنا برنت سكرين .. يعنى إيه برنت سكرين .. يعنى صوره أو نسخه من اللى حصل معاك .. هو عباره عن زورار على الكيبورد عندك ينسخلك الظاهر على الشاشه .. و تنقلها فى أى برنامج للصور عندك .. و ترفعها على موقع لرفع الصور .

    طيب إزاى أعمل برنت سكرين اللى انت بتقول عليها دى ؟
    تروح على الموضوع دا ..

    كيفية التعامل مع المنتدى

    حتلاقى فيه إزاى ترفع الصوره و إزاى تحط الرابط بتاع الصوره فى كود علشان يظهر لنا هنا فى المنتدى .

    ملحوظه هامه جدا :- مش حنقوم بأى عقاب لأى شخص .. إلا لما تتبع اللى إتقال فوق دا بالحرف الواحد .. يعنى الشكوى بتاعة حضرتك تبقى عباره عن صوره زى كدا .



    طبعا المثال اللى فوق دا بس دليل على إنى إثبت مثلا إن الشخص دا سبلى بالدين أو أهانى علشان انا مسلم .. لكن الشتايم بقى مسموح بيها خلاص .


    ====================================

    2- تقرير خاص بالعلم الخاطئ .

    يعنى لو فى شاب لذيذ و ظريف هو من مصر مثلا و بيلعب بيوزر بعلم المغرب . يبقى تيجى تبلغ عنه هنا فى الموضوع دا بردوا .. و نفس الموضوع لو انت كنت من مصر و دلوقتى سافرت أستراليا مثلا .. تيجى بردوا و تقولنا .

    المطلوب :- إنك تكتب ( الأي دى - ID )
    بتاع الشخص اللى انت شاكك فيه دا .. مش لازم تقولنا هو بيلعب فين أو هو ساكن فين .. إحنا بنعرف طبيعى من خلال الأى بى IP
    اللى بيدخل منه تابع لأى دوله .. مهمتك أنك ترشدنا على النوعيه دى من الأشخاص بس .. و أديكم عرفتوا الطريقه إزاى .

    ====================================

    3- تقرير خاص بحالات القرصنه .

    يعنى لو واحد ضحك عليك و خد منك الباص بتاعك .. أو بعتلك رابط دوست عليه .. لقيت تانى يوم الحساب بتاعك إتصفى من المهارات بتاعته .. حتيجى تكتب هنا .. و تتبع المتطلبات اللى إحنا عايزينها دى .

    - الأى دى ID بتاعك .
    - اسم المستخدم بتاعك .
    - تقدر تجيب الاي بي بتاعك من الموقع دة
    www.cmyip.com
    - الاسماء القديمه لـ الحساب بتاعك .
    - البريد الاكتروني الحالى .
    - كلمات المرور القديمه مش عايز حد يكتبلى كلمه السر بتاعته دلوقتى .
    - الحساب بتاعك اتسرق امتى ، او امتى اكتشفت انه اتسرق .
    - محتاج برضو شوية معلومات زى ..
    هل حد خد منك الباص ورد قبل كده يعنى فتح اليوزر مره قبل كده ؟؟
    هل حد اداك رابط قالك خش على الموقع ده اله حاسبه او ده موقع بيديك رصيد ببلاش ؟؟
    هل فى واحد اتفقت معاه انك تشاركو فى اليوزر و لما اديتو الاسكليز بتاعتك نصب عليك ؟؟

    البيانات لازم تكون كاملة لو كنت عايزنا نحاسب اللى عمل معاك كدا .

    ملحوظه هامه جدا :- احنا مش بنرجع اى مهارات او فلوس او رصيد لو كان الحساب بتاعك اتسرق ، احنا بس بنطرد اللى عمل عليك قرصنة .

    بنرجعلك المهارات فى حاله واحده بس .. لو كان الضرر اللى واقع عليك بسببنا إحنا .. يعنى إحنا اللى عملنا فيك كدا .. ودا طبعا بيكون نادر حدوثه .. أشبه بالمستحيل .

    ====================================

    4- تقرير خاص بكلا من :- ( تكرار الرسايل فى ميدان الدردشه أو فى السجن أو الطوارئ أو كتاب الزوار - إستخدام برامج غير مشروعه - إستخدام طريقة غير مشروعه للحصول على الرصيد - تقرير عن مواقع تسرق حسابات الاعبين عن طريق الأدعاء بأنها بتزود مهارات - لاعب بيستخدم ثغره معينه )

    طبعا حفصلكم واحده واحده .

    * تكرار الرسايل :- حتجيبلى برنت سكرين : طبعا انت عرفت إزاى خلاص .

    * إستخدام برامج غير مشروعه :- حتبعتلى البرنامج لو معاك .. أو تبتعتلى الأيدى بتاع الشخص اللى انت متأكد انه بيلعب ببرنامج أو بوت .

    * إستخدام طريقة غير مشروعه للحصول على الرصيد :- حتبعتلى الموقع اللى بيستخدمه أو الطريقه اللى بيستخدمها .. وصف عنها .

    * مواقع تسرق حسابات الاعبين :- إسم الموقع و بـــس .

    * لاعب بيستخدم ثغره :- حتبعتلى الأيدى بتاعه .. + الطريقه اللى بيستخدمها .. + المنافع اللى بتيجى من وراها .

    ====================================

    ملحوظات هامه :- * الردود اللى حتكون موجوده هنا .. حتكون فقط علشان التبليغ عن أى من اللى سبق ذكرهم .
    * أى رد غير مطابق للشروط المطلوبه حيتم حذفه .. حتى لو كان ليك حق .. لازم تستخدم الشروط اللى إتكتبت لكل بند علشان نضمن ان تقريرك سليم .. و إن حقك كمان يوصلك .

    أتمنى الألتزام من الجميع .. بالتوفيق
    Last edited by Sa3ek; 06-17-2011 at 07:14 PM.

 

 

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •