ميعاد الدورة
وانتهت دورة و مستنيين دورة جديدة وكل سنة وانتم طيبين بمناسبة دخول رمضان علينا
الدورة الجديدة هتبدأ في 10 أغسطس/آب كالمعتاد في 7 مساءاً بتوقيت القاهرة و الرياض و 4 مساءاً بتوقيت جرينتش

جديد الدورة

الدورة الجديدة هيبقى فيها تعديلات بسيطة
يمكن التعديلات الدورة دي راحت للشخصيات بشكل كبير وبقى فيها تغييرات كبيرة بينها وبين بعضها.. مميزات جديدة لكل شخصية و كمان عيوب جديدة لكل شخصية. من هنا ورايح لازم تختار طريقك بحكمة وعقل..
كل شخصية سيتم ذكرها في نهاية الموضوع وذكر مميزاتها و عيوبها وهنستنا أسئلتكم في الموضوع ده ومش هيبقى مغلق زي المواضيع التانية

حاجة كمان جديدة تم إضافتها وهى الشيخ حجاب - ده راجل عجوز كحيان لكن عنده قدرة كبيرة أوي على صنع الأعمال والراجل مخاوي و يعرف يعمل بلاوي. بس دلوقتي ده هيبقى في صفك وممكن تشتري منه تعاويذ و أحجبة تساعدك في اللعبة

تم إضافة مقياس لدرجة إدمانك عشان تبقى عارف امتى توقف ضرب مخدرات لو درجة إدمانك بسيطة وتأثرك بالمخدر بيجي بشكل أسرع

لو بتحب كريمز متنساش تبقى فان أو معجب بيها على الفيس بوك - صفحتنا الرسمية على الفيس بوك


ودلوقتي شرح للشخصيات و سرد مميزاتها وعيوبها

القـمور
شغلته الأساسية الحريم وهى دي اللي بتعمله ثروته

مميزاته:
+ أعلى عائد مادي من البنات هو اللي بياخده
+ نسبة موت البنات معاه أقل
+ فرصه أعلى في ربح مزز ببلاش من الخمارات والديسكو
+ مفاصل بارع ومساوم وبيعرف يشتري المزز بسعر أقل و يدفع أتاوة أقل في بيع المخدرات
عيوبه:
- إيده بتترعش ومبيعرفش يتعامل بالأسحلة كويس
- حرامي فاشل ونسبة إنه يتقفش عالية نسبياً
- بيتحسب بفردين بالعصابة
مهاراته الأساسية: الجاذبية و التحمل







قتال قتلة
إنسان متوحش ودموي!

مميزاته:
+ قدرة عالية في التعامل مع الأسلحة
+ قوة كبيرة أوي في الهجوم
+ قدرة كبيرة على إتمام السرقات بنجاح
+ مخاطرة أقل ونسبة إنه يتمسك من الشرطة ضئيلة
عيوبه:
- ضعيف في قيادة العصابات و عدد الرجالة تحت إيده بيبقى أقل من القائد الطبيعي
- بيدفع أكتر في المباني و بتتحسب عليه غالية أوي
مهاراته الأساسية: القوة و التحمل







رجــل أعمال
رجل أعمال ذكي و يقظ حاد ولماح

مميزاته:
+ ذكي وبيفاصل و بيشتري المباني برخص التراب
+ بياخد أعلى فايدة ممكنة من البنك على فلوسه
عيوبه:
- إيده بتترعش ومبيعرفش يتعامل بالأسحلة كويس
- ضعيف نسبياً في الخناقات وميشرفكش
- حرامي فاشل ونسبة إنه يتقفش عالية نسبياً
- ضعيف في قيادة العصابات و عدد الرجالة تحت إيده بيبقى أقل من القائد الطبيعي
- بيتحسب بـ 3 أفراد بالعصابة
- المزز بتدفعله أقل
- مش بيتحمل شرب المخدرات كويس
- ذوقه معفن و نسبة تعاطيه للمخدرات المضروبة أعلى
مهاراته الأساسية: الذكاء و التحمل







حرامى
نشال من وهو في المدرسة!

مميزاته:
+ إحترافية كاملة في مسك السلاح والتعامل بيه
+ إحترافية كاملة في إتمام السرقات بنجاح ومن غير ما يتقفش
+ شيخ منصر وده بيخليه ينجح في سرقات العصابات بشكل أكبر لو هو اللي نفذ لأن إحتمالية النجاح عنده أكبر
مهاراته الأساسية: القوة و الذكاء.







البـــوب الكبــير
البـوب الكبيــر دا مجرم بطبعه و هو مـتعدد الشخصــيات .

مميزاته:
+ زعيم عصابات شاطر من صغره ويقدر يمسك أكبر عدد من الأعضاء
+ بيتحمل ضرب المخدرات أكتر من غيره، تقولش بلاعه!