ميعاد و أخبار الدورة رقم # 52

[Generozo]

السلام عليكم .

ميعاد بدء الدورة الجديدة الدورة رقم ( 52 ) حيكون يوم الثلاثاء الموافق 27 - 9 ( سبتمبر ) بالتوقيت ده
18:00 (GMT+2) == > timeanddate.com

أخبار الدورة الجديدة : الأخبار حتكون كالأتى .

* مكتب المخابرات - المخابرات وصلت مدينة الجرايم عشان تعملك تقارير تجسس ع الصح !!
* تم حذف خاصية البراعه و المتانه و نسبة تلف السلاح والهبالة دى اللى كانت موجوده مع الأسلحة !!
* عملنا تغييرات فى كود الرصيد اللى ممكن تشتريه من اللعبه .. دلوقتى ممنوع تستخدم كود الرصيد اللى اشتريته من مصر مثلا .. تروح تستعملة فى أفغانستان .. يعنى الكود اللى تم شرائة من مصر .. حيتم صرفه على حساب بيلعب من نفس الدولة .
* خاصية جديدة تقدر تجدد بيها أوتوماتيك الفوائد على طول ( الفوائد اللى هى : الأنتاج و الحريم و الواقى ) إلخ ...
* عملنا قائمة منفصلة لترتيبات أوائل الحسابات الثانوية ( الرابيت )
* سجل خاص لكل حساب بيعرض فيه أخر عمليات الدخول اللى تمت لحسابك .. تقدر انت تعرفها بنفسك دلوقتى .

الدورة رقم 51 تنتهى يوم السبت .. نتمنى نشوف نهاية نظيفه من غير تزوير أو غش من الاعبين .

تقدر تجرب الحاجات الجديدة من خلال موقع بيتا التجريبى للعبه .
Free Online RPG: The Crims - The life of a criminal

نتمنى التغييرات تعجبكم فى لعب الدورة الجديدة .

بالتوفيق

[mahmoudsalama]

بصراحة وبجد مكتب المخابرات دة خطير مش عارف الناس هتلعب ازاى بعد كدة هتبقى اللعبه طحن بجد

والله لو اتحط فى اللعبة هيخربها هى هتبقى كل حاجه فى اللعبه بكريدت والاجانب معاهم كريدت عبيط واحنا مش لاقيين كريدت خالص نجيبة منين والخدمة اللى حطوها باظت واتشالت وغير كده محدش ولا هيعرف يسرق ولا هيرفع باور ولا يلعب خالص وهتبقى خرة اللعبهة بعد كده من راى مش ينزل فى اللعبه

السلام عليكم الاول .. دلوقتى انا كنت بجيب رصيد بال sms
ولما الموضوع اتغير واصبح فيه لينكات جديدة فى الرصيد وطرق جديدة .. انا مش عارف اتعامل معاها ومش عارف اجيب رصيد منها علشان مش مفهومة .. وانت عارف ان الرصيد دا شىء اساسى .. فى الجيم علشان تعمل احترام كويس
علشان كدا انا بستسمحك ياجنيروزو بسرعة التصرف قبل الراوند الجديد

او تقولنا على طريقة ال sms الجديدة دى

الطريقة الاولى بالرغم من انها فيه اوقات كتير الرصيد ماكنش بيوصل بس فى اوقات تانية كان بيوصل فيها .. يعنى دى كانت بتشيل دى .. دلوقتى انا مش عارف اجيب رصيد ياريت تفيدنا .. أيوا صحيح وكمان انا جربت المكالمة على 20 كريديت وللأسف ماوصلش حاجة على رقم موبايل دا >> 0129674304

[SimBa]

مينفعش الموضوع دا خالص أحنا كدا بنلعب وشايف بعض دا اية ده معنىكدا أن اللعبة باظت ولا أخلى واحد يلعب معايا مخصوص يعملى خمارات بس ولا نشتغل أزاى وده يعرف أنا نقلت درجز أد أية ودة يعرف دا كدا غلط أوى وكمان الرابيتس أحنا عاوزينهم يظهرو عصابات مش يوزرات وكمان هنلعب ضرب بس تجسس بالهبل اية دة ةكمان أفرض واحد بيسرق بالرابيتس عاوز 300 400 خمارة بقى علشان محدش يجيبة ويلعب على يوزرات هبلة مش يسميها اسم واحد :@:@

لازم حد من المشرفين يشفلنا حل فى موضوع الرصيد لانى كدة مكتب المخابرات مالوش لازمة معانا خالص

[Generozo]

السلام عليكم

من الردود الموجوده وضحتلى مشكلتين :-

1- الرصيد :-
موضوع الرصيد عن طريق الرسايل .. الموقع اللى كان بيقدم الخدمة كان بيعمل صيانه على السيرفرات و حترجع تشتغل تانى طبعا .. لكن إمتى الله أعلم .

لو مش عارف ازاى تشترى رصيد من اللعبه .. فى موضوع مخصص بيشرحلك طريقة التعامل خطوة بخطوة و بالصور كمان
الموضوع أهو
http://forum.thecrims.com/support-ar...-o-ou-o-u.html

فى عندك حل بديل فى حالة إن الموقع مش حيفضل شغال و الحل ده موجود فى الموضوع ده
http://forum.thecrims.com/support-ar...u-o-ouuso.html

2- مكتب المخابرات :-

فى رأيى الشخصى .. هو إن اللعبه لازم نزود فيها الأستمتاع بالهجوم عن طريق التجسس .. بمعنى إننا لازم نفعل دور للجواسيس فى مدينة الجرايم .. مفيهاش مشكلة لما نجربها و نشوف هل الموضوع حيكون له تأثير و لا لأ .. و هل هو حيفرق فى اللعبه فعلا موضوع ال 5 رصيد ده ولا مش مشكلة .

بالنسبة للأخ اللى بيقول ان الاعيبه كده حيكونو عارفين كل حاجه عنى .. طيب ما انت كمان ممكن تعرف كل حاجه عنهم .. الموضوع بقى ع المكشوف .. يعنى لو عايز تنتقم منه .. حتعرف تعمل كده .. و بردوا كله حيبان بعد التجربة
اتمنى نلاقى ردود إيجابية خصوصا ان الموضوع لسه قيد التجربة فى الدورة اللى جاية . و مع إحترامى للأراء الناس .. لكن التجربة هى خير دليل ليكم كا لاعيبه و لينا كا منظمين

بالتوفيق

[mahmoudsalama]

السلام عليكم جميعا
انا شايف ان الناس قاقانه بس بجد مكتب المخابرات هيخلى الناس تلعب ويكون فى تحفز وهتنتقل اللعبه من الملل الى الطحن
والكل هيكون مستعد انه ينضرب فلازم يعمل حسابه اكتر والكل هينضرب هينضرب ودة طبيعى
انا شايف ان مكتب المخابرات فيه حاجات كتير زى اول حاجه انك تتجسس على صفقات المخدرات هى كويسه بس مش هنستفاد منها كتير
اما لموضوع الهجمات ودة كويس علشان تعرف مين اللى هجم عليه اللعب دة ولو كنت منهم تاخد بطارك وتحطه فى دماغك من اخطر واهم ميزة فى مكتب المخابرات وهى
أخر زيارات الحياة الليلية
والميزة دى هى اللى هتخلى اللعبه طحن
وعلاج النقطه دى سهل وبسيط الناس اللى بتلعب هرم كتير يقدرو يعالجوها بكل سهوله اما الناس اللى لسه جداد هتكون مشكله عليهم
الطبيعى لاى حد بيلعب على احترام عالى انه بيعمل لكل يوزر حوالى من 5 الى 10 خمارات وبيتنقل بينهم علشان لما تدخل الخمارة كتير بتنشط الخمارة وبتطلع فى الصفحه الاولى فى الحياة الليليه ودى طبعا هتكون فرصه لاى صياد يدخل على اى واحدة عشوائي ويستنه شويه ولما صاحبها يدخل ......خلص الكلام
انا بعمل 5 خمارات فى كل يوزر وبدخل الاولى 5 مرات وخلاص وبعدبن ادخل التانيه 5 مرات وهكذا
اعمل فى كل يوزر على الاقل 10 خمارات وغير اسمائهم كلها ميكونوش قريبين من بعض خالص علشان ميقولشى انك بتدخل الخمارات بتاعتك وكل مرة ادخل واحدة شكل وكدة تقدر تقلل التجسس عليك باكبر قدر ممكن اما الباقى فى نظرى للمعلومات
ارجو لو حد عنده حل افضل يعرفنا علشان نعمله ونحافظ على بعضنا

[mahmoudsalama]

كنت عايز اعرف فى تغطيه فى الكازينو الملكى والهرم ولا مفيش

[Generozo]

مفيش تغطيه فى الاتنين