لو سمحت عندي مشكل.. المصانع عندي اكتمل التحديث لفل٦ ومش عاوز يقبل اللفل اللي بعده مع انو اكتمل ١٠٠%
لو سمحت عندي مشكل.. المصانع عندي اكتمل التحديث لفل٦ ومش عاوز يقبل اللفل اللي بعده مع انو اكتمل ١٠٠%
انا جديد على اللعبة ومطلوب مني في جزء المهام اني اقتل, ومهما حاول ت أدخل على ملف أي واحد مش عارف اعمل ايه بالظبط
مفيش حاجة تبينلي ازاي اهاجمه اساسا...او لو مش كده مش عارف مكان اهاجم فيه ناس من اللعبة اساسا
لأن تم إلغاء بعض سرقات العصابة من العصابة الإفتراضية ( عصابة اللعبة ) و ده كمحاولة من المنظمين لايجاد طريقة تواصل بين الاعبين عشان يقدرو يعملو عصابة لوحدهم
عن طريق التواصل ما بينهم و بين بعض
اقرى اكتر عن التغييرات اللى بتتم على كل دورة عشان تبقى عارف الدنيا ماشية ازاى.
ايه هى الشخصية بتاعتك . بعض الشخصيات لازم تكون وصلت لمستوى معين علشان تقدر تطور مستوى المصانع بتاعتها للمستويات العليا.
أهلا بيك معانا فى العالم السفلى . بما انك جديد لازم اقولك ان موضوع القتل ده بيعتمد على نوعين . النوع الأول و هو عن طريق تبرعات من الأصدقاء اللى بتاخد من حساب ثانوى ليهم عدد قتلات عشان نوعية الطلبات دى . و بتبادلة انت كمان بحساب ثانوى ليك ( حساب ثقة ) عشان تتبرعله بعدد قتل انت كمان و ده بيبقى بشكل تبادلى .
النوع الثانى و هو عن طريق القتل او الضرب او الهانت . كل دى مسميات لقتال القتلة . اللى بيقدر يضرب الضحية و هو داخل الخمارة نفسها . اقولك ازاى
لما بتدخل الخمارة بتاعتك . اوقات بتسمع صوت كده و بتلاقى فى شخص تانى بأسم تانى و شكل ايكونه تانى بقى موجود معاك . صح ؟
هو ده الشخص اللى ممكن تضربة او يضربك على حسب مين الأسرع و مين الأقوى
هو لو أسرع و أقوى يبقى الله يرحمك إنما لو هو أسرع و مش اقوى ممكن هو يهرب منك قبل انت ما تضربة . طريقة الضرب نفسها بتبقى انك لما بتلاقى الشخص ده بتظهر خانة موجود فيها قائمة صغيرة و موجود تحتها كلمة اهجم
بمجرد انك بتلاقى شخص معاك . المطلوب منك انك بسرعة تدوس على القائمة دى و تختار اسمه و تنفذ الهجوم عليه و زى ما قلتلك الأسرع هو اللى بيقدر ينفذ اسرع أو يهرب بشكل اسرع من قبل ما انت تعمل اى خطوة
ملحوظة : لو كنت فى عصابة حتلاقى قائمتين ظهرولك بدلا من قائمة واحده . الأولى للهجوم الفردى و الثانية لرفع هجوم عصابة على الاعب ده.
بالتوفيق
شباب هي اللعبة فيها حااجه غلط نصها مش شغال
العادية وحتي نسخه بيتا كمان
سلام عليكم ... لسة اول يوم مسجل فى اللعبة وعملت تسجيل خروج ... حاولت ادخل تانى قالى حظر ... حاولت امسح الحساب ووارجع اشغلة تانى قالى الحساب غير نشط ... محتاج مساعدتكم من فضلكم
من فضلك تواصل معانا فى مركز الدعم الفنى عشان نقدر نحول الموضوع للجهة المختصة اللى حتساعدك
ادخل على اللينك ده
http://support.thecrims.com/index.ph...kets&_a=submit
لو الانجليزى بتاعك كويس . يبقى اختار قسم
Abuse - Complaints only
لو الانجليزى مش كويس - يبقى اختار القسم العربى و احنا حنحولها للقسم الخاص بيها
شكرا
انا يعتبر لسه جديد اخر مرة لعبت كان من سنين
دلوقتى انا لسه داخل عصابة افتراضية و مش عارف اتبرع منين و فى المشاريع زى الخمارة مش عارف احدد سعر اى حاجة هو بيحطلى لوحده سعر اى حاجة 15 و مينفعش احدد رسوم الدخول
أهلا بيك معانا من جديد
بالنسبة للعصابة الافتراضية دورها فقط فى عمل سرقات العصابة فى حالة انك مش لاقى عصابة تنضم ليها عشان تنفذ السرقات المطلوبة منك.
بخصوص التبرع . العصابة الافتراضية مفيهاش امكانية للتبرع و بالتالى الحل البديل هو إنك ممكن تعمل عصابة لوحدك و من مركز العصابة حتلاقى اكتر من خاصية موجودة . روح على خاصية الترقية أو التطوير . و حط المبلغ المطلوب التبرع بيه فى اى قسم خاص بتطوير العصابة عشان تأدى المهمة المطلوبة منك للتبرع.
بخصوص سعر الخمارة . الاعب اصبح ملهوش اى دخل فى تحديد سعر الخمارة او فى تحديد سعر المخدرات اللى جواها . السعر بيتحدد اوتوماتيك على كل الاعيبة وفقا لسعر المخدر المباع عند تاجر المخدرات
بالتوفيق
السلام عليكم،، انا ليا فترة مكنتش بلعب و دلوقتي فوجئت بإختلافات كتير ،، كنت عاوز افهم المزاد اللي على مكونات المخدرات ازاي بستفيد منه