اضافات هامة في قوانين المنتدي

برجاء عدم التجاهل
عقوبة التجاهل: حذف او غلق او مسح موضوعك حتي ان كان سؤال و لم يتم الرد عليه
وان تكررت هتاخد تبيه وبعد كده طرد من المنتدي

1- الاعلان
ممنوع وضع الاعلان عن اي شئ يختص او لا يختص بلعبة كريمز كما ممنوع الاعلان في التوقيع وسوف تتم تحرير المخالفات مباشرة
سيتثني من هذا البند مواقع الاله الحاسبة
ممنوع تكرار المواضيع // ابحث عن اجابة لسؤالك الاول في المنتدي حتي وان لم تفلح مع محركات البحث قم بتصفح سريع للمنتدي لتجد اجابتك

يمنع وضع أرقام الهواتف والجوالات في المنتدى سواء في المواضيع أو الردود أو التواقيع.


2- كتابة المواضيع
§ العنوان // يجب أن يلائم صلب الموضوع وأن يكون واضحاً. في بداية العنوان يجب التعريف
بمحتوي الموضوع بمعني مش عايزين نشوف ارجوكم المساعدة مشكلة كبيرة او سؤال محيرني
الموضوع لو مثلاً بتسأل عن المتانة يبقي العنوان مثلاً استفسار عن المتانة وهكذا

§ أكتب عنوان الموضوع بشكل واضح وبدون أخطاء إملائية.
في المنتدى يوجد محرّك بحث متقدّم. قم بعمل بحث قبل كتابة موضوع جديد.
مواضيع كثيرة تتكرّر في المنتدى وسبب ذلك هو عدم إستعمال محرّك البحث.
المواضيع المكررة سيتم تحريرها / حذفها / إغلاقها.
وذلك لمساعدة اللاعبين الاخرين عند استخدام محركات بحث المنتدي وكمان عشان منشوفش مواضيع متكررة

§ ممنوع منعاً باتاً كتابة موضوع بعنوان فلان يخش بسرعة
عايز تكلم حد ابعتله رسالة خاصة عايز تتكلم على الملأ يبقي اكتب عنوان ملائم

§ ممنوع وضع عناوين باسم فلان بس اللي يخش
ده منتدي عام يعني من حق اي فرد يخش ويرد زي ما هو عايز
وزي ما قلنا قبل كده عايز تكلم عضو ابعتله رسالة خاصة
نفس النظام مع المشرفين عايز تكلمنا في امر شخصي ابعت رسالة خاصة
بالنسبة للدعم الفني تبعت فيه موضوعك لو عايز مشرف هو اللي يرد بس
الدعم الفني للدعم التقني بس يعني مش للشات ولا الكلام ده

§ ممنوع تكرار المواضيع // ابحث عن اجابة لسؤالك الاول في المنتدي حتي وان لم تفلح مع محركات البحث قم بتصفح سريع للمنتدي لتجد اجابتك

§ اكتب موضوعك في مكانه المخصص حتي لا يتم اغلاقه / حذفه / تحريره
مثال: تقرير في موضوع التقارير ولو عايز عصابة يبقي في اعلانات العصابات

§ المنتدي ده هو منتدي دعم فني وليس منتدي كالمنتديات الترفيهية هدفه الاول والاخير الدعم في اختصاص اللعبة مش عايزين مواضيع واحد يقول عايز تصميم فوتو شوب ولا عايز برنامج ولا نسخة ويندوز الخ
كمان موضوع ان واحد يحط كلمة شكراً واشطة عليك والكلام ده لا انتهي اللي بيحط درس ده بيحطه للافادة وليس انه مستني كلمة شكراً او اي شئ من هذا القبيل
مواضيع التحفيذ على الرد سوف يتم التعامل معها
مثال واحد يعمل درس وفي الاخر يكتب مستني ردودكم وكلمات الشكر الموضوع لو تُرك مفتوحاً وذلك لهدف النقاش وليس لتبادل التهاني والشكر بمعني اخر احنا مش في حارة ولا عربخانة
المواضيع المخالفة وان كانت مفيدة سوف يتم التعامل معها بـ التحرير / الغلق / الحذف

§ ياريت محدش يكتب ويقول انا لقيت ثغرة في اللعبة قوية و مش عارف ايه ولو المشرفين عايزينها يكلموني على ... الخ
عايز تبلغ عن ثغرة او بج يا تبلغ يا تبعت رسالة ملهاش حل تاني
الموضوع المخالف سوف يتم تحريره / اغلاقه / حذفه

§ القوانين في اللعبة مطبقة تمام التطبيق على المنتدي
يعني مش نشوف مخالفة قوانين في المنتدي زي اللي يكتب الباص بتاعة ولا يجي يقول انا معايا بوت ولا بتاع

§ الاهانات في اللعبة مسموحة مع تحديد عدم سب الاهل ولكن في المنتدي ممنوع منعاً تاماً اهانة اي عضو اخر ولو اهانة بسيطة وحتي لو كانت موجهة له وحده وليس لاي فرد من اهله
المشاركة المخالفة سوف يتم تحريرها / حذفها / معاقبة كاتبها بالطرد المؤقت او الدائم لا سمح الله



برجاء قراءة باقي موضوع القوانين وذلك لانها هي باقي القوانين
اي قانون لم يذكر في هذه المشاركة وذكر في الموضوع فهو ساري فهذه المشاركة مجرد اضافات للقوانين واي قانون اتكرر فهو لتكرار الاهمية
برجاء التقيد بالقوانين حتي لا تتعرض للمسائلة والتعامل مع المشرفين باحترام كامل واسلوب حديث نقي معهم حيث انهم موجودون هنا لمساعدتك
زمن الـ........ خلاص راااااااااااااح ومن النهاردة هيبقي في تقيد رهييب بالقوانين